ForumPortaliCalendarGalleryPytësoriKërkoLista AnëtarëveGrupet e AnëtarëveRegjistrohuidentifikimi

Share | 
 

 Lidhja e dashurisë me francezin dhe takimet e fshehta me Florin

Shiko temën e mëparshme Shiko temën pasuese Shko poshtë 
AutoriMesazh
Stica
LLastica
LLastica


Female Numri i postimeve : 1179
Registration date : 01/10/2008

MesazhTitulli: Lidhja e dashurisë me francezin dhe takimet e fshehta me Florin   29th November 2008, 4:16 am

Kishte shumë që nuk dihej më gjë për të, që prej ndarjes së saj nga kompozitori Flori Mumaje si, lajm i cili u bë publik menjëherë dhe u shpërnda rrufeshëm tek të gjithë. Prej shumë kohësh, Soni Malaj ka vendosur t’i thotë ‘JO’ çdo gazetari që e telefonon për ndonjë intervistë, qoftë edhe për ta pyetur jo për për jetën e saj private por për diçka tjetër, zhvillimet më të fundit të saj në anën profesionale. Por ne të ‘Bluetooth’ kemi mësuar disa të reja rreth këngëtares së njohur, të cilat nuk ngurojmë t’i ndajmë me ju, kjo falë disa burimeve që vijnë pranë Soni Malajt. Prej disa muajsh Soni Malaj i duhet të fluturojë shumë shpesh drejt Francës e më konkretisht kryeqytetit, Parisit. Arsyeja? Tashmë ka gjetur një dashuri të re, një djalë rreth moshës 34-35 vjeç me të cilin ndihet shumë mirë, të paktën kështu thonë ato pak persona që e dinë këtë, duke iu referuar vetë fjalëve të Sonit. Historia me djalin nga Franca do të niste disa kohë më parë, këtu në Shqipëri, ndërsa djali vinte për bizneset e tij që e lidhnin me kryeqytetin shqiptar.

HISTORIA PARIZIENE

Sonit prej disa muajsh i duhet të udhëtojë drejt francës për të takuar djalin e saj të zemrës i cili e pret një herë në muaj. Qëndron me të për disa ditë e më pas kthehet në Tiranë. Është tejet e rezervuar për këtë histori dhe shumë të pakët janë personat që janë në dijeni të saj. Nëse do të mendonim që Soni shkon në Francë për koncerte, nga të gjithë është prezent fakti se Franca është ndër të paktat vende ku zhvillohen koncerte për shqiptarët. Në fakt, udhëtimet e saj të shpeshta drejt Francës kanë një tjetër arsye. Djali (beqar) nga Parisi ka fituar vëmendjen e këngëtares ku kësaj të fundit i mundëson dhe fluturimet e shpeshta drejt tij. Sipas burimeve për ‘Bluetooth’, për Sonin kjo lidhje ka shumë gjasa të kthehet në diçka serioze, ku pse jo, ajo po mendon edhe për fejesë me djalin të cilit nuk i bëhet i ditur emri.

TAKIMET ME FLORIN

Por nuk ishte vetëm kaq ajo që kemi mësuar për Sonin dhe rrëfimi nuk përfundon këtu. Burime shumë pranë Soni Malaj tregojnë se në të vërtetë ajo ende nuk është ndarë përfundimisht nga Flori, por takimet me të vijojnë. Sigurisht kjo jo si më parë por rreth një ose dy herë në javë. Takimet janë në studion e tij pranë stadiumit ‘Qemal Stafa’ dhe arsyeja për të cilën takohen nuk është vetëm në lidhje me këngën që Flori Mumajesi po përgatit për Sonin për të konkuruar në festivalin e fundvitit në RTSH. Ndoshta lidhja e fortë që përjetuan për disa muaj me rradhë nuk mund t’i ndajë dot plotësisht nga njëri-tjetri, duke patur ende nostalgji gjë që i çon në takime të herë pas hershme në studion e Florit. Bisedat në telefon gjatë ditës janë ato që i lidhin më shumë Florin dhe Sonin, ndërsa mësohet se ledhat dhe përkëdheljet nuk kanë përfunduar mes tyre, por vijojnë të flasin e bisedojnë gati si më parë.

KËNGA PËR FESTIVALIN E FUNDVITIT

Pas bashkëpunimit që patën për këngën “Fluturimi 3470” në Festivalin e vitit të kaluar “Kënga Magjike”, këtë radhë Soni dhe Flori do të bëjnë një këngë të përbashkët për të konkurruar në Festivalin në RTSH. “Kënga është një dëshmi e momenteve më të mira të lidhjes sonë”, është shprehur disa ditë më parë Soni. Kënga është e punuar nga Flori, me tekst të Olti Currit dhe orkestrim të Enis Preshevës, ndërkohë që do të konkurrojnë në festival me shpresën se po të fitojnë do të marrin pjesë në Euovizionin e ardhshëm. “Ishte këngë aq e bukur saqë menduam ta përfshinim në albumin e ri, por pastaj vendosëm të konkurrojmë në festival me shpresën se mund të pëlqehet dhe të vlerësohet”, mësohet të jetë shprehur Soni Malaj.





_________________
Mbrapsht në krye Shko poshtë
Shiko profilin e anëtarit
 
Lidhja e dashurisë me francezin dhe takimet e fshehta me Florin
Shiko temën e mëparshme Shiko temën pasuese Mbrapsht në krye 
Faqja 1 e 1

Drejtat e ktij Forumit:Ju nuk mund ti përgjigjeni temave të këtij forumi
Kasata Forum :: Art dhe kultur :: Vip-
Kërce tek: